相隔4年再登紅館 黃凱芹望恩師鄧藹霖參與

香港文匯報訊（記者 阿祖）「情歌王子」黃凱芹將於3月6日及7日假紅館舉行《黃凱芹40年來香港演唱會2026》。在前日的記者會上，播出黃凱芹親自作曲及填詞，由鄭丹瑞獨白、黃凱芹、周慧敏、阮兆祥和余劍明合唱的全新歌曲《數十年後》。黃凱芹談到相隔4年再在紅館舉行演唱會，他講明今次演唱會特色就是不會唱別人的歌，「以往演唱會我都會唱吓人哋嘅歌，或者自己作畀人嘅歌，但今次作為紀念入行40周年嘅演唱會，係有特別意義，講真要喺我唔同階段，譬如寶麗金同飛圖年代，同埋之後自己出的歌，其實要揀都好多歌選擇，所以唱自己的歌都未必唱得晒，今次演唱會特色就係唔會唱人哋嘅歌。」

提到請得周慧敏、阮兆祥和余劍明合唱全新歌曲《數十年後》，《黃凱芹40年來香港演唱會2026》會否也請一班好友任嘉賓呢？黃凱芹表明未成事就無謂開空頭支票，不過他覺得大家合作卻有特別意義，「我以往演唱會都好少請嘉賓，但係我40年前係電台出身，搵呢班舊同事一齊合唱係有特別意義，估唔到咁多年後大家都仲喺呢行發展，大家亦都喺唔同崗位，阮兆祥做咗開心果，Vivian（周慧敏）歌影視都有工作，余劍明就係媽咪同人哋妻子，但同時亦有DJ，大家過着不同嘅幸福人生，做緊自己鍾意嘅工作。」至於講到最希望出席的嘉賓，黃凱芹最想恩師能夠出席演唱會分享喜悅，「我入行係鄧藹霖帶住我，佢教咗我好多嘢，係我恩師嚟，真係好希望佢可以參與到今次演唱會。」