自揭曾想放棄演戲 阿佘磨練演技成「女王」

香港文匯報訊（記者 子棠）佘詩曼（阿佘）憑《新聞女王2》Man姐一角獲「最佳女主角」，亦是第四度封視后，創TVB開台以來最強紀錄。而在萬千星輝賀台慶2025頒獎禮前，阿佘作客葉念琛主導的《Meaningful》首個節目《琛導Casting》，除大爆當年在TVB主動爭角色， 更坦言「梗係想攞獎」。

四度封后的阿佘，原來最初入行亦不是一蹴而

就。阿佘在節目中分享了第一次拍喊戲，憶述當時連環輕呼「我演唔到，三部機對着我，就係咁近，嘩﹐點樣啊、咁埋嘅？你哋可唔可以遠啲」「唔得囉，就係喊唔到」。阿佘坦言早於拍攝《十月初五的月光》之前一度想放棄，直到遇上這個劇本：「因為之前畀人鬧，又話唔識做戲，又話雞仔聲，其實我都想放棄，既然都唔識演不如唔好搞，直至遇到『君好』呢個角色。當時開大會有好多人，仲話要剪頭髮，心諗『吓，剪頭髮？嗰陣我好長頭髮可唔可以唔剪』。我記得我剪嗰陣喺度喊，當演嗰陣就明，呢個女仔真係要短髮才行，可能真係因為本色演出，做一個啱啱讀完書出嚟嘅女仔，開朗，自信，好似我自己咁。」令她沒想到的是亦成就了她第一次得獎的劇本。

離開TVB後阿佘北上學習經驗，相隔九年重返TVB，已經是《新聞女王》：「=拍《新聞女王》之前我再去學過戲，疫情期間我去網上學開聲講嘢，上堂時不斷要創作，淨係畀幾條題，如呢個景﹑呢個人﹑呢個時間，就要演了。初頭梗係唔掂，跟着就有人幫我做對手，所有對白都係即興。我上個堂都好醜，但上完堂後，令到我喺《新聞女王》可以用返晒出來。」即使早已經有視后寶座，阿佘為精進自己演技仍然會不斷提升自己，才有今日的「女王」。

阿佘又稱讚眼中的葉念琛，是一個「很清晰的導演」，可以很清晰向演員交代每一場戲需要什麼，有什麼要求，這一點在片場中亦相當重要。