呻每逢休息都會生病 學友曾憂變最後個唱

香港文匯報訊（記者 子棠）張學友合共20場的《60+巡迴演唱會香港終章》前晚在紅館開鑼，亦是學友第11度踏上紅館舞台。他在紅館的場次多達203場，創下新紀錄，成為於紅館累積個人演唱會最多的歌手。

學友連唱《留住這時光》和《Ooh La La》為演唱會揭序幕後，再踏上古董車頂唱出《馬路英雄》，令全場升温。唱畢多首經典慢歌後，學友跟觀眾打招呼，他表示在香港演出今次巡演的最終章是一件温暖的事：「只要企喺度，我就會覺得我係張學友，歡迎大家嚟到張學友60+巡迴演唱會嘅第305場。」

學友指整個演唱會樂團及團隊休息了三星期：「我有個不好嘅習慣，一休息就病，小休小病，大休大病。休息嘅第一星期，將之前嘅感冒清咗佢，之後諗住打吓波，點知打完條腰就唔郁得，可能呢啲就係六十多歲嘅問題。早幾年，我以為60歲好多優惠，但原來係65歲先有。不過，過幾個月我就65歲喇！哈哈！」提到歌曲陪伴大家走了41年，他感慨說：「我唔知大家會唔會諗住今次係我最後一次開演唱會，所以無論如何都要睇咗先。我自己都會懷疑，怕係最後一次。上一次我開時，都會以為係最後一次，但過幾年咪又係唱。」說罷學友更即席表演一字馬，再輕鬆站起來，力證自己寶刀未老。

安歌環節，學友演唱《李香蘭》時，透露巡唱這兩年多發生了很多事，樂手、舞蹈員及幕後工作人員都有情侶結婚了，於是他特意準備愛情組曲送給新婚的朋友們，包括《你是我今生唯一傳奇》《你的名字我的姓氏》等。最後，學友以一曲《吻別》結束首場「香港終章」演唱會。