●文：王正亮
可有發現，西方社會成長的人，普遍不怕事及有自信，無他，因為他們成長的環境氛圍及學習的過程中，無論父母或者師長都不會吝嗇讚美之詞，讓他們產生良性的循環，做事得到鼓勵，成了自信的土壤，於是更放膽幹好每件事，事幹得好，就更有信心多幹事情，於是成果豐盛，更獲得更多的誇讚，這就是良性的循環了。而華人社會裏則不然，他們相信棒下才可出孝兒，於是寧願嚴苛一點對待子女，也不願意在表現良好時多誇一句。
多年前，我看過一個網上的視頻，正正就講述宜家傢俬曾經做過一個實驗，讓兩棵一模一樣的植物，無論在土壤的成分、灌溉的水量、陽光的配置等，盡量做到一模一樣，然後用玻璃蓋上讓人們參觀，不過在參觀的過程中，兩棵植物外面有標示着對其中一棵植物請讚美鼓勵，對另一棵植物則請吐槽和侮辱。
結果驚人，獲得讚美及鼓勵的植物，生長得越來越好越茂密，但被吐槽及侮辱的植物很快就枯萎，最終死亡。
由此可知，誇讚的重要性，尤其是初相識初見面，往往誇讚就是人與人之間最佳的溝通橋樑，給對方一個良好的印象更是成功的鑰匙，但誇讚的說話也是非常講究的，誇錯內容會適得其反，如何作適當的誇讚，最佳的方法就是了解不同五行的特性，配置最適合言詞就變得非常重要。
木（甲乙木）：
情感主義，需要有安全感、被當自己人、被安慰。例子如下：
1. 其實你份人，係可以將感情經營到好深厚好窩心，只係人家唔識欣賞你嗰份「當佢係自己人」嘅真心，仲嫌你長氣。
2. 其實你份人，係可以留意到好多人都忽略嘅細節，令件事好圓滿，只係人家唔識欣賞你嘅細心，仲話你麻煩。
3. 其實你份人，係可以畀到好大安全感身邊嘅人，只係人家唔識欣賞你嗰份情感的付出，覺得老奉。
4. 其實你份人，係可以好堅持原則，力爭到底，只係人家唔識欣賞你嘅執着，誤解你唔放過人。
5. 其實你份人，係好需要被安慰同理解，只係人家唔識欣賞你嘅感性，覺得你太情緒化。
火（丙丁火）：
有理想、重效果、喜被誇。例子如下：
1. 其實你份人，係可以為咗個理想目標爆發出好大能量，只係人家唔識欣賞你嗰團火，仲話你不切實際。
2. 其實你份人，係可以對件事嘅效果有好高要求，做到最好，只係人家唔識欣賞你嘅認真，嫌你太急進。
3. 其實你份人，係可以好認真唔計較代價去完成目標，只係人家唔識欣賞你嘅付出，覺得你太搏。
4. 其實你份人，係充滿行動力同熱情，只係人家唔識欣賞你嘅幹勁，話你三分鐘熱度。
5. 其實你份人，係對成果有完美嘅追求，只係人家唔識欣賞你嘅高要求，令你容易灰心。
土（戊己土）：
大局為重、有高度、捱得、不怕麻煩。例子如下：
1. 其實你份人，係可以思考到好高好遠，顧全成個大局，只係人家唔識欣賞你嘅高度，嫌你諗得太多太慢。
2. 其實你份人，係可以承受好大壓力同麻煩，又捱得苦，只係人家唔識欣賞你嘅耐性同責任感，覺得你唔識變通。
3. 其實你份人，係可以好有親和力，凝聚到班人，只係人家唔識欣賞你嗰份唔怕蝕底嘅情操。
4. 其實你份人，係個好穩陣可靠嘅基石，只係人家唔識欣賞你嘅沉穩，當你透明。
5. 其實你份人，係願意處理最麻煩嘅手尾，只係人家唔識欣賞你嘅承擔，覺得你係應該嘅。
金（庚辛金）：
辦事能力強、積極進取、喜被誇、有義氣。例子如下：
1. 其實你份人，係可以好積極進取，好快搞掂件事，只係人家唔識欣賞你嘅效率，話你唔畀面人。
2. 其實你份人，係好有義氣，為朋友出頭，只係人家唔識欣賞你嘅正義感，嫌你太衝動。
3. 其實你份人，係可以好直腸直肚，解決問題唔轉彎抹角，只係人家唔識欣賞你嘅坦率，覺得你唔夠圓滑。
4. 其實你份人，係好有辦事能力，講得出做得到，只係人家唔識欣賞你嘅執行力，覺得你太現實。
5. 其實你份人，係可以用好實際嘅方法幫人解決問題，只係人家唔識欣賞你嘅務實，誤解你只識用物質。
水（壬癸水）：
有想法、善巧、怕麻煩、胡思亂想。例子如下：
1. 其實你份人，係有好多獨特諗法同善巧嘅解決方法，只係人家唔識欣賞你嘅創意，嫌你諗埋啲麻煩嘢。
2. 其實你份人，係好有同理心，明白人哋嘅感受，只係人家唔識欣賞你嘅細膩，覺得你諗多咗。
3. 其實你份人，係可以好靈活變通，繞過困難，只係人家唔識欣賞你嘅智慧，話你唔夠堅持。
4. 其實你份人，係觀察力好強，好有愛心，只係人家唔識欣賞你嘅內在豐富，令你成日胡思亂想。
5. 其實你份人，係可以好有說服力同愛心去感染人，只係人家唔識欣賞你嘅軟實力，覺得你唔夠進取。
所以，誇人就是給予人陽光與空氣。
0
已點過讚
0 / 255