獨立歌手陳凱詠（JACE）將於明年2月18日及19日於紅館舉行個人演唱會「JACE WORLD」，希望歌迷走入她的世界，感受意想不到的畫面。
首次於紅館舉行個唱，她又可會有驚喜演出？JACE坦白說：「冇刻意為咗要做而去製造驚喜，以前可能會有咁嘅心態，可能喺舞台上耍劍，但𠵱家係扎實去做好每一件事，我相信一個好嘅表演，唔係有幾多噱頭上嘅東西，而係唱好歌跳好舞，呈現一個豐富的畫面給大家。（冇驚喜就係驚喜？）可能係。」她續稱自己比大家想像中傳統，只想在舞台上專心做好表演者。她又指曾睇過歌神張學友的演唱會，他好專注唱歌，好扎實的演出已經好好睇，都希望自己一步一步走向這個目標。
演唱會門票昨日公開發售，JACE指優先訂購反應不俗。問到會否擔心因社會氣氛及新年檔期而影響銷情？JACE直言擔心不來：「老實講銷情嘅嘢都輪不到我擔心，更何況是天災人禍的事情，無嘢大得過，我覺得自己嘅演出，所有看似很重要嘅事，突然之間都好渺小，所以我就交畀個天，專心做自己嘅嘢。」由於大埔火災的關係，JACE透露舞台設計也有作出調整，希望觀眾可以看得開心舒服，而她亦會將新專輯於串流平台所得收益捐贈予情緒支援的團體。
說到開騷的日子剛好是年初二、初三，可趁機收歌迷利是？JACE笑言打算將收到的利是分給工作人員，補償大家在新年開工，當然自己亦會派開工利是。
身為個唱出品人，JACE透露早前壓力大到睡不着，幸好之後又成功調節好。不過她笑言記歌詞記到發惡夢，希望到時不會發台瘟。會否擔心控制不到情緒？她希望唔會喊花妝容。至於嘉賓方面？她表示還未確定。問到是否欠下很多飛債？JACE呼籲朋友自己買飛入場：「我希望所有朋友疼我就自己買飛，（謝絕要飛？）唔係，好多人我都想邀請來，不過第一次搞騷，各樣都要錢。」
今次JACE破天荒成功爭取到紅館首次設置兩個「企位」區域，她就指今次企位不算很多，只是「小試牛刀」，希望提供多一個選擇給歌迷，令他們能更自由地去享受音樂。至於嘉賓與造型方面，JACE笑言要保持神秘感。
●採、攝：香港文匯報記者 梁靜儀
場地：@blackroomhk 髮型 : Herman @1201hin 化妝 : Echo Makeup @echo_makeup 服裝 : I.T group @ithk 首飾 : BVLGARI @bvlgari
0
已點過讚
0 / 255