何家勁重養生謝絕夜蒲 如遇好劇本願再出山

香港文匯報訊（記者 阿祖）何家勁昨日以樂齡動力區大使身份出席香港戶外用品及運動博覽2025開幕典禮暨亞洲室內運動節啟動禮，而他的勁家莊健康食品亦在現場設有攤位。何家勁表示，今次是專程回港出席活動，他也推介其健康食品，希望可以令大家保持年輕和開心。不過他強調服用健康產品，也得靠運動去配合，他就經常去慢跑，亦不會做太劇烈運動。

何家勁表示他在惠州經營勁家莊健康食品生意已15年：「當時我在拍戲期間想轉行，就諗有咩好做，覺得健康人人都重視，於是同拍檔傾搞健康食品，一傾就一發不可收拾，做咗十幾年。」問到是否考慮拍戲？他指影迷有記掛他，但不會強求他復出拍戲，因為他的影迷大部分都已四五十歲，心態很理智，能夠見到他已很開心。他現正專心於生意之上，希望真正上軌道才去考慮其他方面。「我現在食嘢、試嘢有癮，試完就畀員工試，適合的就會用。」

何家勁說：「其實都有人搵我客串，但拍完一兩日都唔知做咗啲咩。戲份太重我又冇時間，睇吓劇本係咪夠吸引。我曾講過只會再拍《中華英雄》，因為冇年齡限制，整個白色假髮，補少少妝，唔好咁特寫，都夠殺啦！」記者即稱讚他保養得好，拍大特寫也無須擔心，他笑說：「唔好自欺欺人，年齡不斷增長，健康會一路失去，我都唔係要長生不老，但希望健康到老。」何家勁指現作息定時，每朝6時起床，10時就寢，以前拍戲熬夜實在太傷身，所以現在朋友夜晚叫他去玩，都一一謝絕。