何家勁再拍戲講明拒大特寫 謝絕熬夜

香港文匯報訊（記者 阿祖）何家勁今日以樂齡動力區大使身份出席香港戶外用品及運動博覽2025開幕典禮暨亞洲室內運動節啟動禮，而他的健康食品品牌亦有於現場設有攤位。何家勁表示今次是專程回港出席活動，他也推介其健康食品，希望可以令大家保持年輕和開心，不過他強調服用健康產品，也得靠運動去配合，他就經常去慢跑，亦不會做太劇烈運動。

何家勁表示他在惠州經營健康食品生意，一做已15年：「當時我拍拍吓戲想轉行，就諗有咩好做，覺得健康人人都重視，於是同拍檔傾搞健康食品，一傾就一發不可收拾做咗10幾年。」除經營生意以外，還會否拍戲？他指影迷有記掛他，但不會記掛他要再拍什麼戲，因為他的影迷大部分都四五十歲，會很理智，能夠見到他已很開心。他現專心生意之上，希望真正上軌道才去考慮其他方面：「我現在食嘢、試嘢有癮，試完就畀員工試，適合的就會用。」至於仍有否戲癮想出山拍戲？何家勁說：「其實都有人搵我客串，但拍完一兩日，都唔知做咗啲咩，太重戲我又冇時間，睇吓劇本係咪夠吸引，我曾經都講過，我只會再拍《中華英雄》，因為冇年齡限制，整個白色假髪，補少少妝，唔好咁特寫，都夠殺啦！」記者即讚他保養得好拍大特寫無有怕，他笑說：「唔好自欺欺人，年齡不斷增長，健康會一路失去，我都唔係要長生不老，但希望健康到老。」何家勁指現作息定時，每朝6時起床10時就寢，以前拍戲熬夜實在太傷身，所以現在朋友夜晚叫他去玩，都一一謝絕。