為最後一次演唱會解畫 莫文蔚幻想運用AI同步開騷

香港文匯報訊（記者 梁靜儀）莫文蔚（Karen）昨日到香港知專設計學院出席新黑膠碟《Karen Mok The Master》宣傳，吸引不少學生圍觀。

Karen將於12月20日在啟德主場館舉行《莫文蔚 THE BIG BIG SHOW 大秀一場 香港站「家場」限定版》。提到她在2021年的紅館《絕色》巡唱最後一站，宣傳指明是她最後一次舉行大型演唱會，亦是其將告別大舞台之作。對於被網民指她出爾反爾，Karen笑着解釋：「之前係做大型演唱會，今次係做巨型演唱會，將來可能返璞歸真做返小型演唱會，我太鍾意唱歌，我唔會退休，只不過要諗用咩方法去開騷，遲啲都想做音樂劇，（可有後悔當年宣傳時以最後一次大型演唱會作招徠，令粉絲覺得出爾反爾？）我諗歌迷唔會介意，其實當時係經歷疫情，加上係密集式每星期舉行演唱會，而且持續幾年，真係感到好攰又唔環保，事隔幾年後再做巨型巡迴演唱會，會選擇性地去做，一個月只有一場，貴精不貴多。」對於嘉賓名單引起網民熱議，Karen指開騷日期在接近冬至與聖誕，很多朋友有其他活動，不過有朋友正調整出行時間來配合。

她又指都想效法樂隊ABBA在英國舉行的AI演唱會，能運用AI讓她同時間在世界不同地方或城市演出，真人則選擇在香港演出，她笑說：「我就係特別嘉賓，呢啲都係我嘅幻想。」