曾傲棐「吸貓充電」 鍾柔美想帶7隻愛犬去商場打卡

香港文匯報訊（記者 余雁）鍾柔美（Yumi）、 詹天文（Windy）及曾傲棐（Arvin）今日到馬鞍山一商場出席「MOST-Exploring喵喵聖誕探險記」擔任揭幕禮嘉賓。三人甫出場即獲現場數百粉絲歡呼起哄。3位歌手更率先到打卡區大拍萌爆照片及試玩主題體驗區，更寫下對未來祝福及願望於「漫『郵 』時光郵局」的「未來 郵箱」寄出明信片，與大家開心迎接浪漫冬日。

3位嘉賓均為愛寵之人，養有7隻愛犬的Yumi難掩興奮心情表示：「大家都知道我係超級鍾意動物，特別係狗仔，每年聖誕最期待就係可以同狗仔出去商場打卡影相。」至於同有養貓的Windy及Arvin則於現場「𥄫實」3米高巨型毛茸Snowman mofusand，Windy笑謂：「我有收藏好多mofusand精品，鍾意佢有好多唔同造型同表情，我一嚟到就被佢哋吸引住 ，好想聖誕期間帶我2隻貓貓Cinderella同Oreo一齊嚟玩，佢哋一定會好開心！」而Arvin則笑說：「其實我每日返屋企第一時間就係『吸貓』叉電，雖然牠成日一副嫌棄嘅樣，我頭先去「漫『郵 』時光郵局」寄嘅明信片就係希望佢多啲同我傾偈同互動，畀到我更多創作靈感，寫多啲新歌畀粉絲。」

為了答謝粉絲親臨支持，Windy於台上獻唱新歌《一切都是有原因的》及《大雕刻家》，而Arvin則大唱《FM 520 》及《密友圈之謎》，壓軸則有Yumi跳唱歌曲《y2k還襯我麼?》及《狂野之城》。