主人毛孩齊參與首映禮 陳楨怡想讓愛犬拍戲

香港文匯報訊（記者 子棠）陳楨怡、陳詠燊及劉雲傑等多位圈中知名愛狗人士，昨日與愛犬一同觀賞溫情寵物電影《我會好好的》寵物首映禮，當晚吸引了數百寵物貓狗齊入場。電影以細膩鏡頭描繪少女與流浪狗之間的深厚情誼，呈現飼主與寵物相處的日常細節，更深刻刻畫人與動物之間的情感連結；不少觀眾表示「入場必備紙巾」，因為每一幕都充滿暖流與感動。導演董宏傑與主演張子楓皆曾親身經歷與寵物告別的過程，令創作更顯真誠動人。劇組於拍攝結束後領養了全部參演犬隻，以實際行動展現對生命的尊重與關愛。

陳楨怡完場後說：「我屋企養咗兩隻狗仔，其中一隻已養6年，自己鍾意睇寵物電影，今日已帶備大包紙巾抺眼淚，可以帶狗仔睇戲感覺好唔同。大家鍾意狗仔的話，就一定要入場睇，劇情好感人，係一隻牧羊犬與小女孩嘅故事，非常感動、溫馨，除咗講狗仔，仲有連接屋企人同狗仔嘅關係，如果有機會都想畀自己狗仔試吓拍戲。」陳詠燊導演表示：「好開心見到一個別開生面嘅首映禮，好多朋友帶埋自己嘅毛孩（小狗）來睇戲，未來戲院是否可以開放予愛毛孩的朋友，可以帶住自己心愛嘅小朋友一齊入戲院睇戲，我哋可以開拓不同巿場，令電影業再興旺。」