去西貢碼頭坐船出海離島遊，大家可能唔察覺有間連續16年獲得米芝蓮一星的六福菜館，可見這菜館質素有保障。而且六福菜館背後有個感人的故事。
自封叫扮老闆的陳志偉說:「其實個名取自兩位老闆一個叫阿陸，一個叫阿福，阿福係大佬，其實個名叫阿輝，喺西貢個個叫做福祿壽，所以叫做六福，一班夥計2005年在清水灣幫他們打工，銀線灣廣場有間桃源軒，他們決定不做時一班人要失業。細佬阿陸同大佬講『你哋搵到食啫，夥計沒飯食呀。』佢哋舊思想諗住養啲夥計一世嘅，很好。他們在西貢開勝記，阿福哥就買咗嗰單位給他們，叫你哋自己諗掂佢，有錢賺就交租，冇錢就自己想法出糧，自食其力。放晒手畀我們同事搞零管理嘅。咁多年都係堅持有錢賺交租，冇錢不交，同事都係冇壓力，不用事事要計毛利，可以得心應手，做最好嘅食物。」
陳志偉一直幫六福老闆做事，在他們澳洲的一間餐館、銀線灣的桃園軒就做過，在勝記亦幫手，老闆做咗十幾年覺得攰啦，3年前2022年開始陳志偉正式接手打理六福菜館，任務是「保住個招牌」。
知道六福菜館開業20年，問負責人陳志偉會唔會有優惠或新菜色推出慶祝? 「優惠? 可能午市優惠做午市，20蚊一隻椒鹽鮑魚囉，正常百幾蚊的有冇限額每人要一隻。能賺到錢嘅做啲優惠畀客人無所謂。不過20年來我哋其實沒賺大錢，我哋都唔識做生意，咁多年如果識做生意一早上晒岸啦。要繼續努力囉？因為未賺到錢呀。」
正常一間連續十六年獲米芝蓮的食府沒理由不賺大錢。「因為我們用嘅人手多別人好多倍，廚房話要人手多少都畀足。食材質素保持用料好，不會有預製菜，成本高自然沒可能高利潤。」
「2022年通關之後23年有個少少小陽春啦，之後就無冇生意，我哋就希望20年我們同內地啲分公司搞一個大型的opening活動囉。我哋現時與內地酒店集團合作，在順德、肇慶、深圳開分店，東莞就嚟開，希望擺多啲心思落去喺深圳間店，因為香港做中高檔飲食業的處境不是太好。」
最近西貢不是多咗好多遊客咩? 「好多人唔使錢嘅，係特種部兵模式遊香港，自己帶水帶食物落嚟，不肯消費的。內地我哋年頭開嗰3個月真係好好生意，但突然間成個經濟下滑，工廠無訂單，工人無嘢做，開始冇人出街消費。一樣要用心做好吸客。」陳志偉說道。
招牌菜做法
#金湯魚蓉羹
可以話是極考功夫的湯羮，單是魚湯底已用4至5款魚來餚三小時，難怪入口即嘗到超鮮甜的魚湯，配上東星斑魚，肉質鮮甜可口，味道鮮美，絕對是鮮甜嫩滑共冶一爐。
#椒鹽奇趣豆腐
用十款粉肉溝埋一齊成為一個特別嘅炸粉，選用市面最滑嗰隻豆腐。嫩滑的豆腐裹上香脆的炸漿，外脆內嫩，令人好有驚喜，口感入口那種口感，真是與別不同。
#椒鹽焗鮮鮑魚
原來鮑魚要做到入口不會硬及韌，蒸煮處理方面有秘訣，將鮮鮑魚連殼滾水湯熟，才將鮑魚折拆卸，弄干淨再拍上脆薄炸漿進行油炸，灑上椒鹽焗火路更是要控制得宜。入口會香酥肉軟嫩，相當惹味，連鮑魚都能做到脆香嫩滑集一身。菜館用緊5頭鮑，之前堅持用南非鮑魚嘅近幾年個經濟嘅問題，改用大連鮑魚。若有啲客食要南非鮑魚嘅我哋會專登去攞訂，價錢有別。邊度嘅鮑魚唔重要最緊要係個做法，因為鮑魚都係一個生物，如果將隻鮑魚放針板刷刷刷鮑魚好緊張肌肉出來的效果肉會硬，他們以溫水煮蛙嘅方法去處理等自然鮑魚死亡，烹調完的鮑魚特別嫩滑。
#海鹽蒸石斑
用海鹽來到蒸石斑魚，連半點豉油也不用落，東星班新鮮入口時肉質鮮味，魚味超濃。菜館帶你選那條魚，2分鐘後劏魚10分鐘後你就食到，這樣確保是新鮮原味，所以夠膽只用海鹽清蒸。
#避風塘瀨尿蝦
以避風塘方式處理青瀨尿蝦，上枱時大大隻瀨尿蝦上舖上特製金蒜蓉、蔥及乾椒，當大家打完卡後，服務員更會為我們拆瀨尿蝦殼，方便大家進食，避風塘的香辣惹味更帶出了瀨尿蝦的鮮甜度，超好味。
#薑米龍蝦炒球
將澳洲龍蝦起肉後以簡單的薑米來炒，香氣四溢，入口時龍蝦肉質鲜脆口感、擺盤賣相又靚，龍蝦頭部分再拆肉用來做芝士龍蝦炒飯，廚師認為南澳龍蝦本地都好食嘅，睇下當日邊啲新鮮靚肥啲用邊種。
#西貢艇仔蒸飯
這個彷彿是大型煲仔飯集合了蝦乾、臘腸、潤腸、臘味及魷魚乾撈少少蝦醬蝦醬落去，非常野味，又有海鮮的鮮甜味。非常的足料，每一口都是海鮮的鹹香，愛吃海鮮的朋友就一定不能錯過，飽呀!
#芝士龍蝦炒飯
炒薄姜米雞蛋炒飯作底，上面用龍蝦拆肉配上一牛油兩罐芝士配方造成的汁。
採訪：祖蓮娜
拍攝：祖蓮娜
剪輯：祖蓮娜、木羽
相關報道：
0 / 255