梁敏巧觀察日常鑽研演技 每句對白練上百次

香港文匯報訊（記者 梁靜儀）台慶劇《金式森林》昨晚一集的MVP絕對是飾演「八婆網紅」阿May的梁敏巧（Maggie）。Maggie這次在《金式》的忘我八婆變面式演出贏盡網民正評，紛紛留言希望她日後多拍劇。Maggie表示阿May是她入行以來第一個有名字的角色，亦是有最多對白的角色。

談到鑽研演技，Maggie透露平時除透過看電影取經，還會透過「觀察」去吸收：「我好鍾意留意日常生活唔同嘅人，可能喺茶餐廳食嘢、又或者只係企喺條街度，我都會留意各種唔同嘅人生百態，返去消化完再同自己角色扮演，我平時都係靠咁樣裝備自己。」

Maggie續指由於角色只是客串性質，故準備時間也不太長，但她都有爭取時間每日在家中將每句對白至少讀100次，相當敬業。Maggie說：「同一句對白我會練習100次左右，同埋盡量Explore（探索）唔同嘅語氣，然後搵一個自己最舒服嘅語氣去Present（呈現）。咁樣亦方便配合對手，等對手回返我時，我袋入面有一個適合又舒服嘅反應」、「好似『我好頭痛』嗰句，我有試過溫和、嬲、無奈或者八婆等唔同嘅語氣去講，因為我演戲仲係好新，未係可以好『無我』地臨場反應到，所以我就試吓用重複讀對白嘅方法，希望觀眾睇得舒服、自己又演得自然啲。」