葉蒨文GM甜到漏 笑言想搭檔拍劇

香港文匯報訊（記者 梁靜儀）人氣CP曾展望（GM）與葉蒨文（Sophie）今日以「情侶檔」到尖沙咀出席活動，吸引不少途人圍觀。GM笑稱上次是「熒幕情侶」，今次才是首次以「情侶檔」身份工作。被問是否藉「自肥」寓工作於拍拖？GM幽默回應：「係大家肥我哋。」Sophie就笑指是「肥大家」，並預告將聯手主持電競節目，平日也有一齊打機，並大讚GM聰明，適合玩策略性遊戲。

提到昨晚（28日）播出的最後一集《女神配對計劃 金牌媒人的最後晚餐》中，Sophie向GM回應「我愛你」，GM自爆已重播三遍，更致電要Sophie講返300次。Sophie甜笑表示私下會講多兩次，因GM在節目中講了3次。問到兩人見了家長未？GM就指：「媽咪已認識Sophie，都見過真人，有機會遲啲正式見（中秋）？唔知媽咪得唔得閒，我媽仲忙過我。」Sophie就稱媽咪去了中山玩，很少留在香港：「暫時未安排，我哋都剛開始交往，想給彼此空間認識吓。」GM就稱要循序漸進。

早前Sophie獻唱被網民大讚可以做歌手，GM聞言秒變迷弟，「我聽你唱《擁抱愛》我都想擁抱愛，我也想學唱歌進修。」GM透露近日喉嚨乾涸，Sophie煲了愛心水給他滋潤。Sophie搞笑說：「其實真係順便咋，咁啱煲多咗碗水。」二人你一言我一語打情罵俏，問到身邊的朋友可有眼冤？Sophie謂：「冇喎，我哋啲朋友食得甜。」

問到拍劇方面，兩人自拍攝《女神配對計劃》後久未有拍攝《愛．回家之開心速遞》，他們指處境劇故事每集不同，都是等待公司安排，強調不是退出劇組，亦想拍攝其他劇集，Sophie笑言無論飾演情侶或仇人都可以：「做仇人大打出手都得，我哋好專業，做情侶又未必同我哋真實性格一樣，覺得幾有趣。」