海兒努力賺錢買夢想居所 霍汶希將住半山比喻為簽約藝人

香港文匯報訊（記者 余雁）英皇娛樂集團營運總裁霍汶希（Mani） 聯同旗下藝人海兒日前驚喜現身中環英皇地產「the MVP」售樓處，為豪宅項目造勢！二人率先與傳媒一同欣賞全新宣傳短片《Mid-Leveller Citywalk》，短片圍繞「身份」、「美食」、「家庭」及「大自然」四大主題，帶觀眾全方位感受半山豪宅 the MVP 的非凡生活魅力。其後二人更即場於展區「The Showcase」拱形長廊試玩特製互動裝置，重溫當日的拍攝花絮及精華片段。

在活動上，Mani 坦言對半山情有獨鍾：「我真心好鍾意半山環境！太平山街一帶有特色小店、藝術畫廊同文青咖啡店，氛圍 chill 又 relax，既寧靜又時尚，充滿韻味。我平時工作真係好忙，但今次拍完這個 Citywalk，真係好似叮一聲咁，提醒我生活有時要適當放慢腳步，好好去享受。咁樣先可以儲到能量，繼續向前拼搏！」海兒則興奮直言：「今次拍攝真係大開眼界！能夠同幾位 MVP 一齊探索半山生活品味，非常難得。拍完之後我更加覺得半山係我嘅夢想居所，要努力搵錢升級做 Mid-Leveller！」

談及投資，Mani 被譽為製造最多 MVP 藝人的金牌經理人，她以 「Most Valuable Producer」的敏銳眼光，將住半山比喻為簽約藝人：「投資最重要係搵 Most Valuable Prospect！簽藝人要睇實力同潛力；住半山則要考慮長遠價值同周邊配套！」她更笑言海兒是她近期的最佳投資，盛讚她在聲樂界的專業表現及耀眼魅力，與「the MVP」樓盤一樣「吸睛又有內涵」。

活動過後二人一同參觀示範單位，對單位室內奢華設計及配套讚不絕口，Mani 更即興擔任導演，拉住海兒即場拍「開箱 room tour」。Mani 表示：「示範單位嘅用料同細節精緻考究，睇完真係有心動想樓換樓，仲要係公司自己的樓盤，唔知老闆會唔會肯畀我一個折扣入手呢！」海兒則表示: 「今次是我第一次參觀售樓處，感覺似睇咗場 immersive 藝術展，特別是入場時個 Light Show 非常震撼，同埋啲特製燈光裝置都好 impressive，自己都不斷喺場內各個展區打卡影相，絕對係 MVP 級體驗。」