香港文匯報訊（記者 梁靜儀）對於在劇集《俠醫》中的角色獲網民受落，譚凱琪（Zoie）坦言舒了一口氣，並透露事前確實做了不少功課，她都有參考一些講自閉症的影集，同埋有聯絡過自閉症協會等相關組織，了解自閉症同相關Case：「例如有啲患者佢哋可能會大叫或者揼地，我就盡量抽一啲唔好咁小朋友嘅嘢嚟演，因為都想演出嚟唔好同觀眾想像爭太遠。都難架，好似講嘢嘅節奏，佢哋一般都好平，但監製April（陳萍）會想我演得生動啲，即係有時我比較冇乜太多表情時，佢就要我生鬼番啲，所以都要一路演一路tune，tune返啱個角色定位同年紀。」
談到劇中角色為張曦雯帶來不少麻煩，Zoie笑言主要靈感是來自囡囡：「譬如食早餐，因為我個角色鍾意食卜卜脆嘅嘢，一食到覺得唔夠脆嘅，就會即刻揼落去Kelly個碗度，當佢個碗係垃圾桶咁，哈哈！我覺得呢個角色都有少少似我個女，又係唔好食嗰啲嘢，佢就擺落我個碗度囉！我就拎咗佢呢啲嘢放落套劇度。」
0 / 800