紅館騷「追星」張栢芝 林家謙鬼馬表白索簽名

香港文匯報訊（記者 子棠) 林家謙前晚的紅館騷，驚喜邀來久未在港演唱的張栢芝擔任嘉賓。兩人不僅合唱經典金曲，家謙更化身「小粉絲」，現場索取簽名，掀起全場高潮。

栢芝登場時全場歡呼，氣氛熱烈得「震裂紅館」！她與家謙合唱了《任何天氣》，其後家謙難掩緊張與興奮，笑說：「呢件事好癲，我醒未？（打了自己一下）真係好開心，唔知點講起……你好耐冇出嚟見大家，連我都超級興奮！」栢芝回應：「我好耐冇唱《任何天氣》了，18歲當新人時在紅館唱過，現在真係好緊張。」

家謙還向栢芝索取簽名：「你係我第一個買唱片嘅歌手，呢隻《Destination》，跟住《不一樣的我》……你可唔可以幫我簽個名？」此舉引發全場起哄，笑稱家謙成功「自肥集郵」。家謙分享《不一樣的我》是他參賽常用曲目，當年還未轉聲，唱的是張栢芝的Key，「轉眼間，我已經轉咗聲，真係好神奇。」栢芝則讚家謙：「你成個人好似有個好乖好純嘅光環，好有才華。」她坦言接到嘉賓邀請時，曾擔心大家只記得自己的少數作品，家謙立即反駁：「唔係囉！《一直掛念》《不一樣的我》《棉胎》等，大家都識你好多歌，你講嘅嘢唔成立。」

張栢芝笑到聲震

栢芝深情分享一首對她意義深重的歌曲《留給最愛的說話》：「這首歌是我做新人時堅持要唱的，我想藉這首歌表達，要珍惜身邊所有嘢，好多嘢唔係必然，也提醒大家活在當下，珍惜所愛的人。」她自嘲，「可能後生仔未必識呢首歌，但同我差不多年紀嘅可能會記得。」家謙笑稱：「我都係後生仔，仲識呢啲歌，仲有好多後生識！所以你講嘅嘢又唔成立。」

兩人合唱時，家謙臨時改編讀白，幽默說：「終於我鼓起最大勇氣請你做嘉賓，因為我想面對你講出心裏想講好耐嘅嘢。可惜嗰個落雨晚上，嗰條濕滑公路，同埋嗰個粗心大意嘅司機，令我差啲趕唔到紅館同你講一聲，多謝你。」幽默創意對白令全場大笑，栢芝也笑指自己「聲都震晒」。

演唱會尾聲，家謙乘360吊車升至半空時，突然開啟社交媒體做直播，與未能入場的樂迷同步互動，線上觀眾紛紛驚喜留言大讚「咁近鏡都咁靚仔」「皮膚好靚！」「搵你粒林家蒼」等；更有來自英國、加拿大等地的網友感激能即時觀看紅館演出，笑稱這是「返工玩電話系列」。