香港文匯報訊（記者阿祖） 鄭伊健上周末攜小師妹黃淑蔓（Feanna）及音樂總監陳光榮團隊到澳門，舉行一場以伊健的電影歌重新編曲的演唱會。Feanna亦為伊健準備小驚喜，原定唱《戀愛預告》突然改為《動地驚天愛戀過》，伊健見慣大場面處變不驚， 事後Feanna扁嘴：「點解你咁冷靜㗎？」讓伊健哭笑不得。
為了製造今次驚喜，Feanna與樂手密謀一個月偷偷綵排。完騷後經理人林珊珊問伊健為何如此冷靜？伊健笑說：「其實我太集中做嘢，沒反應過來！我原本諗住延續《一對對》（國語版《蟲兒飛》）的浪漫氣氛，點知佢突然換歌真是Suddenly！做乜改歌唔話我知？（畀驚喜你嘛！）哈哈，不過真係好好聽，好用心演繹，證明大家都好樂意參與呢次演出，花心思喺表演上。樂手們還特地走到台前一齊表演，帶動氣氛。」
伊健形容今次是「歌友會」，而非傳統形式演唱會，今次以全新版的《友情歲月》開場，觀眾反應非常熱情，唱第二首歌《一起衝一起闖》就衝至台前爭相握手，又送上手幅為他打氣。
今次歌單主要是電影歌，更將《興波作浪》《友情歲月》和《極速》等快歌連續又唱又跳，伊健坦言：「都幾激㗎，主要係體能問題，但我想讓大家感受這份熱情。」過往寡言的他今次卻像開籠雀，他解釋今次是音樂會形式似歌友會，希望更親近觀眾，我覺得現在大家很需要分享。」
尾聲時伊健意外將《TOGETHER》講成《至少還有我》，提早揭曉壓軸歌，他自嘲：「年紀大機器壞，我記到咁多嘢已經好好㗎啦！」對於粉絲要求舉行握手會，他神秘回應：「太簡單啦！」似乎暗示將有更大驚喜。有傳伊健將於日本舉行演唱會，他承認有好多想法但未落實：「嚟緊呢幾個月辛苦陳光榮，要諗吓點樣做一個不一樣嘅演唱會。」
評論