香港文匯報訊（記者 子棠）關智斌（Kenny）近日作客許文軒（Edmond）主持的節目《StarTalk》，分享相隔四年多再推出廣東新歌及闊別6年再度舉行個唱的感受。Kenny表示近年心態轉變，從單純演唱發展到會深入研究歌詞創作，有問題會主動與填詞人溝通。通過參與內地節目和巡演的經歷，萌生了融合跳舞、唱歌、演戲等舞台元素的「小飛俠」音樂企劃。去年底更精心製作PowerPoint（PPT）提案向公司高層完整闡述心目中想創作的故事，最終促成首支單曲《永遠的彼得潘》誕生，開啟這個誠意十足的音樂企劃。
Kenny續說：「好多人都話我似小飛俠，首先啲人話我唔識老，（覺得自己凍齡？）睇吓同邊個比，如果同自己同學嘅話就係，如果同我同公司嘅歌手好似容祖兒、蔡卓妍、謝霆鋒嘅話，佢哋全部出道到𠵱家都冇變。（如何保持凍齡？）講笑就話每晚打針，其實我覺得心態好重要，我覺得自己有小飛俠樂觀面對世界嘅態度，好似我喺谷底嘅時候，都冇日日意志消沉、怨天怨地，自己一定會搵嘢去做。我好鍾意做乜就去做乜，唔理其他人點睇，好似呢個年紀走去學滑雪同攀石，出面啲人都笑我，小心整親，手腳唔再係有20歲嗰時嘅耐力，而我覺得咁樣身心才會保持到。」
評論