●VIVA挑戰主持《新手DJ大鳴聲》。
●ValC後半部分愈錄愈放鬆，獲范振鋒大讚有進步。

香港文匯報訊（記者 子棠）女團VIVA日前在范振鋒監製兼主持的《新手DJ大鳴聲》節目中，挑戰DJ初體驗！首次坐上控制台的4位成員張鈊貽（ValC）、姜咏鑫（Ada）、李晞彤（Carina）和馬思惠（Macy），最初表現得又驚又好奇，更不敢觸摸控制台怕按錯掣弄壞機器；范振鋒即當上「師父」安撫她們及細心教導，還稱讚4人聰明，一教就學會。

為了讓VIVA淡定及自信地嘗試同時Tag歌及操控機器，范振鋒先給她們戴上平時最愛的耳機，當她們戴上後，馬上由緊張變為充滿自信。而ValC在節目中推薦5首歌別具意義的歌，她說：「張敬軒的《By My Side》係講緊小動物，我自己都有養3隻貓，佢哋畀我嘅情緒價值同安慰都好大，每日返屋企見到佢哋，好期待返屋企嘅感覺，所以一定要珍惜每日喺屋企等你嘅小動物。」她又提到看《求救的勇氣》的MV時落淚：「呢首歌好講到我心裏面嘅心底話，有時要同大家講I'm not ok係好難嘅，會覺得問題唔會被重視而選擇沉默，但真正愛你嘅人，會願意去傾聽。」

ValC又指主持過程非常緊張，她搞笑謂：「我好驚，手都震埋！好驚個腦空白唔知講咩，一個人對住支咪比上台表演仲有挑戰。」她又自曝：「我因為玩『包剪揼』輸咗，所以我係第一個，但玩『包剪揼』係我提議。」ValC後半部分愈錄愈放鬆，獲范振鋒大讚有進步。