生日搞搞新意思 黃建東廣邀親友同聚

香港文匯報訊 藝人黃建東（東東）日前生日，獲不少圈中好友與他慶生，例如周吉佩、譚輝智、林鈺洧、黃嘉雯、戴夢夢等，場面星光熠熠。東東說 ：「平日同啲同事開工冇乜機會傾偈，難得生日攞正牌請大家食飯，可以慢慢食慢慢傾非常難得。今次仲乘機帶埋爸爸媽媽一齊慶祝，因為平時太多應酬，冇乜機會同佢哋食飯，自己會好自責，今年生日決定來一個改變，與其晚晚同好友一齊慶生，不如搵幾晚帶埋佢哋一齊，又可以見好友又可以享天倫之樂兩全其美，仲陪身為虔誠佛教徒嘅媽咪到荃灣西方寺禮佛，非常有意義。」東東今年生日願望最緊要父母身體健康，以及朋友們都健康順利多些工作。東東希望下半年可以接多些主持工作，向着成為一個好主持的目標進發。