香港文匯報訊（記者 余雁）《麻雀樂團》昨日首播，除了譚俊彥、韋家雄及姜大衛三位實力派演員外，年輕演員胡敏芝（Karen）也是劇中一大亮點。她飾演譚俊彥的妹妹程晴，與他及李佳芯（Ali）有不少對手戲，令人十分期待。
現年26歲的Karen，畢業於香港中文大學新聞與傳播學系。她於2021年參加TVB藝員訓練班後入行，2022年成為J2ers，曾主持《不正常愛情研究所》《荷蘭Pop Guide》《旅行最緊要近》等節目。入行以來主要從事主持工作，曾參演《隱形戰隊》《新四十二章》《企業強人》，但多為閒角。
這次是Karen入行4年以來首次擔綱重戲份角色，儘管仍是演戲初哥，她的表現卻獲《麻雀樂團》監製羅永賢點名讚賞。羅永賢早前受訪時透露選她演出的重要原因，其實早在《企業強人》中已發現她的潛質。「雖然佢好green（新）同埋觀眾對佢好陌生，但喺《企業強人》時佢演青年初創者 ，即使戲份唔重，但我已經睇到佢嘅潛質，當然我亦都有留意佢喺綜藝節目嘅表現。」他又提到她與角色特質非常脗合：「我哋為咗呢個角色都做咗好多casting ，但係Karen嗰種傻更更、好sweet ，驚青嘅特質，最後我覺得佢就係我心目中嘅晴晴，好啱個角色。」
羅永賢亦高度讚賞她為角色所做的準備：「我第一次casting嘅時候，我已睇到佢嘅驚青，不過雖然佢係演戲初哥， 但佢都交足功課，見到佢做咗好多準備功夫，絕對冇偷懶。」他直言對Karen的表現非常滿意：「有時做創作係好主觀， 我睇落去覺得好好，之後剪晒片我再問周圍嘅人， Karen係99%嘅人都同我講佢好得意 、好傻 ，角色好搶，其實你睇佢做綜藝主持，嗰份傻氣係非常可愛，所以我相信出到嚟觀眾會鍾意。」
此外，從劇集亦可見監製有意「以舊帶新」，對此羅永賢坦言，「好似Ali當年喺《律政強人》首次做女主角，有方中信同智叔（廖啟智）帶住，當然佢自己都好努力 ，一步步先有現在嘅成績，所以特別係演員呢個工作，我覺得呢樣嘢係永恒不變，一定要有前輩lead（引導）住，成個齒輪先會更完整 ，傳承落去。」
評論