周三快活谷九場草地賽事

場地預測：好地

開跑時間：晚上6:40分

黎廄「勇霸龍」上季以三歲自購新馬身份登場，已在四班展現甚強的競爭力，今季「勇霸龍」踏進四歲於季初亦續有進步，雖然最初三戰仍未能出頭，但其中得兩度獲亞軍是於谷草千二米不敵後來相繼取得好表現的「椒椒醒」與及「美麗緣分」，可見賽事水準有保證，而「勇霸龍」果然在其後的一仗再戰谷草同程即打開勝門。

「勇霸龍」其後升上三班雖然首戰未能上名，但翌仗便於田草千二米贏馬，反映本身有進步下便夠份量於三班立足。無疑後來四戰未再上名，但一月十九日角逐田草千二米一役，排外檔留後遇慢步速難追，另外三仗則是角逐千四米碰到對手既多且惡。近四仗「勇霸龍」重返跑慣跑熟的谷草千二米，頭兩仗際遇麻麻只係得個近字，但近期又回復忠心本色，先季後亞名次拾級而上，今次隔三星期捲土重來，屆時只要陣上際遇稍好，又可以衝擊今季第三場頭馬。