丘嘉滎

頭場五班千四米賽程甚少，至少要打王牌先有機會拎到出賽權，「嘉應威風」報名時本來為後備身份，點知「水龍頭」排位前退出令到「嘉應威風」補出，仲要運氣好到爆抽到一檔，

馬匹今季曾於四班谷草千二米蝕位追入三甲，亦於田草千二米跑入獎金名次，雖然「嘉應威風」仲有進步空間，但間中都交出不俗追勢，睇番呢匹馬最近兩場雖然排一檔，但前仗跟前咗有啲搶口；上次早段無搶口但500米左右被「樂加福」墮後影響而勒避，既然「嘉應威風」呢兩仗都有藉口，今次一降班就換人兼轉場，一嚟馬匹早段慢腳咗，增程屬於合理部署，二嚟騎練合作雖然未勝但上名率不俗，期望幫「嘉應」系再添一場勝仗！