場地預測：好地

開跑時間：晚上6:40分

告東尼不經不覺已從練多年，雖然贏冠軍嘅次數唔多，但成績一向穩定，今晚谷草賽事東廄出馬眾多，預期有望再締佳績，當中「加州得力」重返四班坐位望贏可做到。

「加州得力」自前季插班後，火速喺谷草一千米取得兩捷，馬兒上季踏入四歲，理應屬戰鬥力高峰期，然而砌嚟砌去都係未能再贏，尤其季尾781場出爭同程突然強配潘頓，明顯有心全力搏殺，結果跑至三甲不入，實在令人失望。

幸好「加州得力」今季落到四班佔到優勢，雖然首三戰未有佳作，但全部都出戰田草當然敗不作準。141場終於肯重返谷草，備受熱捧，無奈起步失平衡焗住留後，轉彎更走出大外檔因而來遲一步跑第二。至於翌仗，十一檔焗住留後更遇慢步速，仍能跑第四已有交代，果然喺十二月中終於取得久違了的頭馬。勝後「加州得力」回升三班梗係唔夠揪，尚幸跑得多減分快，今晚終回降四班，更遇上一群超弱對手，擺明配合馬房攻勢而嚟。