兆　文

第七場第四班1200米。「光輝所願」大前仗贏馬，蹄下敗將絕不簡單，跑第四名的「首飾天空」之後獲兩冠一亞，亞軍「飛黃」再出亦多添兩席亞軍，季軍「好精神」翌戰補中，名副其實高水準賽事。「光輝所願」前仗再爭同程，排七檔轉首彎走三疊，之後沿途望空走二疊，到轉直路彎則被頂出走三疊，沿途耗力不少，最後跑到第二只輸頸位有交代。至於上仗情況差唔多，同樣因應步速早走，結果被又一次以馬頸位之微見負，看蹄下敗將殿軍「廚神」接戰輕鬆補中，更見該席亞軍唔簡單，今次抖一個月出戰體力復元，繼續排好位用布文勝望壓一。

第九場第三班1200米。「翠紅」初出首戰於直路賽獲亞，排內檔全程望空難留，無疑敗於「會長之寶」非太強，但季軍「飛來閃耀」之後上名，賽事水準唔差。「翠紅」之後兩仗跑田草1200，同樣採取跟放，但遇上快亦速輸形勢，上仗轉戰谷草，之前贏過谷閘場地早仄準，加上改戴眼罩更集中，成功坐正打開在港勝門，更吸引跑來仍生硬，大半程搶口，直路上展開衝刺唔轉腳，而且蹄下敗將「飲杯」同「安康萬里」再出串Q而回。

「翠紅」找到了谷草最佳出路，今次強勢再來放心追捧，尤其廖廄馬近期跑三班谷草千二成績優異，對上五匹僅上周「決一劍」因檔差落敗，另外四匹獲兩冠兩亞。