丘嘉滎

冠軍賽馬日順利舉行，潘頓策騎「嘉應高昇」時，於陣上刻意採取不同跑法，馬匹搵遮擋時縱使有些許搶口，但最後「嘉應高昇」以無敵姿態贏馬，顯現短途王者之風，而且馬匹一季內攻下速度系列三關，取得特別獎金之餘，並計劃挑戰全球最高獎金賽事——珠峰錦標，實在令馬迷引頸以待。

但無論幕後怎樣部署，都希望人馬安全至上；希斯剛戰以「青春力量」勝出頭場賽事，今期頭場有「競駿天下」降班出賽，雖然馬匹從未於一哩上名，不過「競駿天下」近仗跑千二早段落腳越來越慢，選擇增程非常合理，而且五班千四要等到五月中才有賽事，不如先試一場；今期「競駿天下」配見習生減7磅兼排3檔，人馬配搭曾於四班上名，有賠率有形勢半冷可敲。