00後少女去揸的士 稱「失業膽粗粗試吓」 獲讚：難得新世代肯搏

香港的的士行業向來因各種原因鮮有年輕人加入。近日，有網民在社交平台發文分享，指自己早前搭的士偶遇一名年僅21歲的「00後」女的士司機。從網上照片可見，司機證的發出日期為今年4月3日，而起錶價是25.5元，故是駕駛新界的士。

原來對方最初入行是因為最近失業未找到合適工作，加上喜愛駕駛，於是「膽粗粗試吓揸的士」，最近才剛開工數天。網民指十分欣賞這位「00後」，大讚「難得肯搏肯試，係我見過最後生嘅的士女司機，欣賞佢無嘢做肯試下新環境，而唔係Hea喺屋企等運到」又指的士界好需要新動力，祝福這位GenZ司機「揸車搵到食，年輕人加油呀！」

帖文引起網民熱議，不少熱心網民留言鼓勵，「真心佩服，respect！」、「加油啊，我呢排都係失業中，邊揸邊搵工」、「加油啊，女的士司機」、「有型！勁」、「好勇，好叻女，但有少少擔心佢嘅安全，希望佢順利」。事件最後更引來「本尊」現身回覆，她首先感謝樓主及網民們的鼓勵，並趁機「打廣告」，表示「屯元天要的士可以搵我，有折」。