香港文匯報訊（記者 梁靜儀）王敏奕、朱敏瀚（朱仔）、黃智恆等昨日到將軍澳電視城為新劇《虛擬情人》宣傳，大談心中完美情人時，敏奕稱老公曾國祥接近完美，至於朱仔認為完美情人靚樣是基本，內心靚也很重要。

劇中王敏奕飾演電腦奇才，而朱仔就是她創造出來的虛擬情人。二人受訪時指劇集已拍畢兩年多，首次演AI的朱仔，被問會否覺得很難演？他說：「因為冇所謂正確演繹方法，話難唔難，話易唔易，要花啲功夫令人相信我係AI係最大難度。」

王敏奕表示在劇中的角色感情比較豐富，加上受情傷，所以會有不少喊戲，並將朱仔設計成事事以她為先的虛擬完美情人，初時設計好純潔，之後會由純潔到不純潔，朱仔更會有除衫戲。朱仔形容拍攝時的身形，是有史以來最豐盛：「身材比例好過拍《拳王》，至於尺度都是電視可播出嘅範圍。」

王敏奕就爆朱仔對自己的身材管理都好強迫，有對方大量素材，她說：「在拍攝期間雖已睡眠不足，但在錄影廠仍要做gym及舉啞鈴，她已幫他記錄低，如有需要都可以問她。至於劇中性感演出都交給朱仔，覺得現時的觀眾喜睇男仔性感演出多過女仔。朱仔就笑言近期跟他拍檔的女仔都好幸福，因為性感演出都由他包辦。問到二人可有親熱演出？二人表示是純潔的床戲。問到老公曾國祥是否為完美老公？王敏奕笑說：「都接近，世界邊有完美，差啲咩就唔公開啦，咁私人嘅嘢。」

朱敏瀚覓完美情人需內心靚

至於與陳曉華（Hera）緋聞傳得甚囂塵上的朱仔，問到擇偶是否靚樣？他笑言靚是基本，最緊要內心都靚。至於有港姐冠軍名銜可會加分？他笑說：「都係Bonus（錦上添花），（Hera完唔完美？）能夠成為我哋TVB嘅同事，都有一定質素。」身旁的王敏奕聽言都不禁掩嘴大笑。

對於近日有傳他出錢租屋與Hera同居，朱仔否認說：「我同媽媽住，我唔係住嗰度， 我都希望有能力，有多啲錢，可以租畀啲同事，我希望幫唔係幫到一個，要幫到身邊所有有需要嘅人。」至於又指他接載Hera取車，朱仔就避談，又稱不想多談車，因為前來的時候被的士撞到車尾，所以遲了，自己都調整緊心情，幸好人無事。

至於王敏奕表示老爺曾志偉早前開生日派對慶祝，她表示自己都有出席，更指朱仔也有出席。朱仔就透露張振朗和周嘉洛都有一起為志偉慶祝。