丘嘉滎

上個星期仲係潮濕同寒冷嘅天氣，呢兩日又變返陽光普照，以上期做咗疏水工程都係大利貼欄馬匹，縱使今次採用B跑道，以往後追馬匹相對冇咁蝕底，但排靚檔點都有着數。

好似今晚的第四場三班拆組千二米賽事，韋達馬房的「撼天鐵翼」，今季雖然留後追贏慢步速賽事，不過上季馬匹排好檔可以守四五位，今期「撼天鐵翼」排二檔遇上拆組賽，雖然今次要負頂磅上陣，但睇番馬匹上仗挑戰二班，排喺大外檔焗住留後，以當日大利貼欄馬匹嚟講，「撼天鐵翼」跟住「美麗緣份」交出不俗追勢，而且同場蝕三疊嘅「得道猴王」啱啱贏二班田草千二，「撼天鐵翼」今仗只係對住拆組較弱嘅三班對手，加上馬匹賽前仲有體力試閘，部署有誠意信吓韋達啦！