【地表最強】一定超淡定好進步

兆　文

第三場第四班1200米。「一定超」一月尾試首課大閘，全程三疊望空之下，直路唔斷，過終點後仍有餘勢。二月中再試第二課，一改戰術留前試後，起步反應唔慢，刻意緊韁拖實留於尾二位置，沿途跟走姿態從容。

「一定超」上月初試第三課，起步後再一次留守於後，直路從外疊輕騎撲上，終點前短頭僅勝綠野飛馳，表現出色。「一定超」上仗初出，起步失機焗住留後，更弊入直路一度受困三甲不入，然而能夠開出全場第二快末段，僅僅慢過升三班獲亞的「跨境寶馬」。今次賽前再做閘，快慢由人輕鬆勝出，走勢勢譽滿欄邊，睇埋周五慢跳聽教聽話，確認已踏上正軌

第六場第三班1400米。「增強」上季連番熱捧未能坐正，幸好踏入今季迅即開故，贏開更有條路，已兩度建功，蹄下敗將包括現評91分的「包裝福星」。前仗「增強」升上三班改攻1400，因應外檔焗留，但該役步速偏快，對其氣量要求更高，追回第六名已有交代了，再看看同場冠、亞軍「祝願」及「遙遙領先」均是今季打吡馬，「祝願」目前更高達手101分。

「增強」上仗復出狀態頂多八成，排外檔留最後，僅不敵「健康快車」，今次再同後駒對壘，由上次受讓一磅，變為今戰受讓八磅，而且現時狀態銳利得多，可雪前恥。