兆　文

第四場第四班1200米。「電訊驕陽」今季八戰全跑同程，除了首仗輸得稍遠，打後七戰次次接近。前仗出戰同程，由於排11檔故留得較後，而且田泰安不欲受困，一直走外疊沿途蝕位，最終後上凌厲得第五名，不只追回不少失地，該仗除了頭馬「千杯敬典」升班再出落敗，亞軍「超強六十」接戰贏馬，季殿軍「競馬一心」及「越駿知已」，翌仗保持水準跑番相同名次。來自強組的「電訊驕陽」，上仗同樣提升出色，相隔四仗之後再次入Q，這次更只以馬頸位見負，跑出1.09.78也是本身最快一次。田泰安啞火，改配艾兆禮更有信心，再看騎練最近三次合作獲一勝兩位，捧場倍添信心。

第九場第二班1200米。「勇敢巨星」前季已展現能耐，兩度交出頭馬，但演出比較失準。上季初期表現唔錯，首三戰全部上名，一仗輸短頭位，一仗以馬頭位飲恨，另一仗以半個馬位見負，但可能用力太多，之後未有佳作。「勇敢巨星」減夠分且休息足夠，今季首戰重響勝鼓唔意外，矚目在於之後兩戰再贏，甚至大前加至79九分一樣建功。上仗入位再一次有驚喜，狀態既不及季初銳利，仲要第一次扳上一班作賽，而跑出1.09.08，比起之前本身最佳時間1.09.43更快好多，更重要今次狀態弗番好多，周一出跳躍躍欲試主動搶走，強如向來用長韁方式操馬的巴度，也罕見改為短韁抽實。