香港文匯報訊（記者 梁靜儀）馮允謙(Jay Fung)放長假陪未婚妻Crystal，揚言唔排除效法方力申秘婚，台上又自誇很有耐性訓練愛貓，相信將來會是好爸爸。

Jay Fung昨日(14日)到啟德體育園出席床褥具新店開幕活動，剛放完三星期長假的他，透露之前返了加拿大及去了墨西哥， 主要是休息， 希望有多些靈感幫助寫歌， 笑言現在充滿力量，又自爆胖了不少：「 我唔敢上磅， 因為放假係咁放肆咁食同瞓，( 幾耐未試過咁放肆？)呢4,5年都好多工作。」

昨日是情人節，Jay Fung 表示之前已提早跟女友一起煮飯仔慶祝， 因平日自己很少煮飯，更不小心切親手。說到他的傷口似心型？他笑說：「 所以我post上嚟，證明我人生充滿愛。」 問到可有送禮物？他冧爆透露送了情侶波鞋：「 女友鍾意情侶裝， 所以我送咗對波鞋， 自己嗰對波鞋就留咗喺加拿大。( 女友送甚麼？)冇嘢送，主要陪我， 上次我開騷，佢返來來港一個星期我都陪唔到佢， 只係最後一日食咗餐飯，今次相處好舒服，有返拍拖感覺。」 問到可會越洋送花給女友？Jay Fung笑說：「都會越洋送花，(情人節怎樣過？)原本打算約孖生弟弟，但佢約咗朋友，所以自己一個人過，不過我都慣。」

問到可會效法方力申秘婚？Jay Fung也不排除說：「呢個世界咩都有可能， 但暫時未諗住， 唔會係今年， 睇下明年， 但唔會喺冬天，因為加拿大好凍，( 會唔會喺香港搞婚禮？) 我冇乜要求，睇女友，佢開心就得喇。」