《誤判》張智霖一改形象演大反派　吳鎮宇笑指拍攝過程頗開心

香港文匯報訊 張智霖（Chilam）慣演正派角色，於電影《誤判》中他一改官仔骨骨形象，染白髮蓄鬍鬚演大反派；吳鎮宇演頑固檢察官最後伸張正義，笑指拍攝過程頗開心，讚子丹想法好「open」，主意多的鎮宇常與子丹度橋，笑言「揼」子丹若還手就賠雙倍片酬，用手格都唔得！鎮宇主意多敢質疑導演，「火花」不斷，鎮宇解釋，因為工作上應該聽哪一邊是有一定規矩，但當有時講出來或者提出意見去抗衡之後，才能刺激到導演有新的想法。張智霖不喜武鬥愛文鬥，笑言與吳鎮宇對劇本「半生不熟」。Chilam表示以前會將劇本讀到爛熟，鎮宇就教他不要太框着自己，還叫他睇劇本不如去飲多杯。

採/攝：香港文匯報記者 阿祖

戲中吳鎮宇跟甄子丹有一場「隻揪」戲，鎮宇裝作不屑說：「咩叫隻揪，係我揼佢，OK。」宇宙最強都敢「揼」？他笑說：「你分清楚，唔係互毆係我揼佢，因為好耐冇喺片場見過子丹，之前佢拍《葉問》都係打，今次做律師我話觀眾好希望你俾人揼。」又係你要求加戲？鎮宇自辯：「我咁講啫，意思係你可唔可以俾人打到變豬頭咁，一個律師無啦啦又宇宙最強，你就平實啲啦，一個律師應該有少少缺陷才好睇，可能佢就聽錯咗吳鎮宇想揼佢，就留返場戲俾我揼佢囉。」他指子丹好好笑，那場戲講二人之間有誤會要和解便說要打一場交：「我就話要用語言令我好忟，畀個機會我同你隻揪，我真係『窩』佢，我大力㗎。」子丹有否還手？鎮宇笑說：「我梗係唔會畀佢咁做，講明簽曬合約唔能夠還手，還手就賠雙倍片酬，用手格都唔得！」不過他讚子丹想法好「open」，不理對還是錯，講出來大家會再去篩選，是好有趣的模式，會繼續將個劇本做好。