任 Now TV歐國盃宣傳大使 COLLAR怕被鬧惡補足球知識

香港文匯報訊（記者 梁靜儀）歐洲國家盃 2024 將於6月揭幕， Now TV 將為香港球迷獨家全程直播51場賽事，並會在今屆賽事期間增設全新 688 頻道「Lucky 688」提供即時比賽形勢及分析，昨日並舉行記者會，宣布由女團COLLAR 擔任今屆 Now TV 歐洲國家盃大使。

昨日COLLAR與方栢翹、丘建威及何輝等多位資深評述員到觀塘出席歐國盃傳媒發布會，以露腰短裙亮相的COLLAR，獲不少粉絲撐場，隊員Marf表示鍾意守龍門的球隊位置，因為覺得有型：「死守龍門，可以好專注做一樣嘢。」之後又分析各隊員在球隊中最適合的位置，她說：「Gao最適宜做前鋒，中鋒則係Candy同Ivy，至於芯駖、Day及Winka做後備最適合，佢哋騷擾力強，可以干擾人，撞開晒啲人。」

今屆歐洲國家盃揭幕戰會於香港時間6月15日凌晨3時上演，由主辦國德國與蘇格蘭對壘。大會特別安排Day、Candy及Marf分別和三位足球員玩射龍門遊戲，其中當Mart射球時，芯駖卻出蠱惑偷偷搬龍門讓她入球。

會後COLLAR接受訪問，她們表示前晚出席完CHILL Club頒獎禮後，只瞓了兩三個鐘就要出席活動，不過她們反而替來捧場的粉絲辛苦，因知道有粉絲通宵冇瞓，希望粉絲可多休息，因睡眠不足會令抵抗力變差。問到她們是否愛睇球賽？Marf表示都愛睇：「鍾意睇啲球員一齊叫口號同唱歌，覺得好熱血，所以都好期待入場睇波。」她又稱之前拍歐國盃宣傳片時，發覺自己射波都射得好直。問到可有向男友Locker請教踢波？她說：「冇，不過佢都好努力踢波，我都有睇佢哋球隊啲紀錄片。」

芯駖就稱覺得很多足球員都有自己的故事好勵志，談到她最近愛上行山，並曾征服過少女峰及富士山等，她自言並非專業，但最想跟隊員一齊拍行山節目，由行香港開始。

問到COLLAR可需要參與球賽節目？成員齊聲叫好，Winka就希望可以邊睇邊食薯片，而Marf就稱未收到通知，又自爆足球知識貧乏，怕被觀眾鬧無知，她說：「我唔識足球術語，怕到時畀人知我無知會尷尬，到時唯有靠Fans，（事前做定功課？）但我又唔鍾意讀書，會用娛樂方法去學習。」