《高山低谷》推出十周年　林奕匡帶同歌曲登The First Take

（香港文匯報記者 阿祖）林奕匡（Phil）以一曲《高山低谷》成名，適逢該曲推出十周年，他早前應邀參與日本著名音樂頻道The First Take（TFT）的一鏡到底一次性錄音演出，演繹了全新編曲的《高山低谷》，並於昨晚首播，他亦開Live談感受。

林奕匡是繼陳柏宇及MIRROR後，第3個歌手單位成為香港代表，參與The First Take錄音，他為此作出了周詳的準備，他道：「我們重新度過首歌的編排，唱法都不同以前，會諗下受眾係邊個，不想一模一樣的感覺去唱，因為都事隔十年，自己的人生和經驗會令自己有不同感受。我都有練習多些，特意買了在正式錄音時會用到的Headphone在家練習，又會看不同的表演者在TFT會怎樣唱，台風如何，又研究鏡頭擺位，自己在家裏事先預演一次，希望可以減低緊張程度。」

不過進入錄音室時，Phil還是免不了緊張，他道：「進入錄音室時，緊張一定有，但估不到原來大家平時見到個畫面好似只有自己一個人，但入到去其實鏡頭後有最少接近30人在裏面做準備，所以有點意想不到，不過到正式錄音時，大家就會全部離場。」Phil錄影時帶着微笑完全陶醉於音樂之中，中段唱到肉緊之時更緊握拳頭，而錄音過後，Phil也即是鬆一口氣：「當下第一時間諗到『Oh My God! 錄完喇！』因為籌備期間練習幾多次都好，正式時係有好多Pressure，但完成那一刻成個人即刻放鬆，真的Enjoy The Moment多一點，我還跟每個同事都擁抱，哈！」能夠在《高山低谷》推出十周年登上TFT，Phil感到莫大的榮幸：「能夠唱廣東歌實在太好，希望可以俾全球認識廣東音樂。」

《高山低谷》對於Phil來說別具意義，因為當時這是一首決定Phil歌唱事業的一首作品，所以他一直銘記歌詞內容：「《高山低谷》記載住我人生好重要的一刻，由最不開心到我企得返起身，現這首歌成為了鞭策我的歌，不單單講低谷要點樣面對，更可以講到在人生不同期間，都會遇上不同的高山低谷，會時刻提醒我，要繼續行落去，個終點依然未達到，所以不可以停不可以放棄，就好似歌詞所講『腳下路程難以削短』。」

Phil早前宣布太太陀B，今年準備當爸爸，正值人生美好的時光，但Phil分享心情表示：「我不覺得自己現在高山，因為覺得可以再好些，同時亦都會提醒自己不好俾自己入到低谷，繼續鞭策。」不過當談及BB的時候，Phil仍難掩將為人父的喜悅，他笑着透露：「今日開Live前剛剛陪太太睇完醫生，BB又大了好多，今晚又有另一個BB TFT出世，的確係開心！」