心鬱鬱想進修謀發展　吳浩康樂見建造業前景

香港文匯報訊 香港建造學院上水院校，於3月1至2日一連兩天舉辦「課程資訊日」，吸引不少有意入行的中學生及在職青年前來體驗。吳浩康（Deep）以嘉賓身份出席啟動禮並分享心路歷程，即場演唱兩首歌曲。

吳浩康話當初加入行業是因為「開關」，因為跟他學唱歌的一班學生在開關復常後，返回工作就很忙碌，加上很多人外遊，學生人數急劇下降，而疫情期間他投資的生意嚴重虧蝕，所以為了收入穩定可以養家，使一家人安心，就全靠這份工。

「做藝人長時間等，又冇工開，一切都不能掌握，既要養妻活兒亦不可以盲等，慶幸選擇正確，因為工地做前線工人多勞多得，前景好好。」講到工作時間，阿Deep話以前好多人認為讀完書做銀行朝九晚五時間穩定，但現時做銀行又點會準時收工，他就準時5點打卡收工。「我做咗呢行之後，原來係真正令我有番生活！收工可以同阿仔一齊食飯 ! 」

自從加入建造行業，Deep開始認識很多安全問題，初入行時他嫌搞太多安全措施阻慢工作，但漸漸明白安全確實是很重要，這一年間他不斷改進，已適應要注意安全。活動上正就讀屋宇裝備監工高等文憑二年級的許遵偉亦建議阿Deep讀短期約幾十日的課程，可以獲得證書，畢業後主要做前線工作。而Deep確實只接受過最基礎訓練，聽到兩位學生代表吳海兒Kary及許遵偉分享，都心鬱鬱希望進修有更大發展。「今日我都有諮詢過報名課程，原來有好多選擇，建造業係需要好多新血 ! 」阿Deep更叫同學仔努力找到自己方向，不久將來一齊合作。「大家完成訓練之後就一齊搭棚架，我親自出糧畀你哋啦 !」