影帝劉德華與梁朝偉繼《鹿鼎記》到《無間道》後，20年後今日再合作《金手指》繼續對立，今次則是偉仔演反派奸商華仔演廉政專員去緝捕。

彼此默契會否仍在？梁朝偉說：「依然咁有默契、咁好玩，我同華仔一直合作得好舒服，可能大家相識了四十年！」劉德華說：「他好似弟弟一樣，感覺一家人般。」有否照顧偉仔？華仔笑說：「他犀利喇，個個都好照顧他！」

兩人相識40年，雖然平日不多見面，但在片場埋位已默契滿滿，每場對手戲都不用試戲，互相帶動對方演得更放任自如。同是無綫訓練班出身，相識於微時，偉仔直言跟華仔好有默契：「我們合作第一部電視劇已做好朋友，可能好年輕時已認識，建立出好好的關係，好信任對方，所以埋位好有默契，不需要浪費時間去磨合去夾，去到現場就得。」

今次再合作時，閒來可有話當年？偉仔表示沒有，不過深刻是拍《鹿鼎記》，因跟華仔相對6個月，雖然辛苦，但亦很好玩。