紐約食少少嘢要 300美金 陳奕迅形容似被打劫

香港文匯報訊（記者 子棠）陳奕迅（Eason）前日在紐約Barclays Center完成《FEAR AND DREAMS 演唱會》，亦是美國巡迴的第一站；為了獎勵頭場圓滿成功，他完騷後翌日即去觀看美國網球公開網球賽，接着還有五個地方演出，才再回歸香港。

Eason首次到Barclays Center舉行演唱會，全場爆滿座無虛席。Eason表示，選擇這個場地演出是為了能把香港的舞台製作原汁原味帶去給觀眾，實現這樣大規模的演唱會：「我非常開心，亦很感謝在座的你們每一位，我愛你們。我知道好貴，係咪美國乜都貴？我瘦咗呀，日日熱狗漢堡飽，冇啖好食……其實係因為我鍾意食唐餐；但我剛去食了碗越南粉，叫咗碟春卷，炒個菜，7個人要近300蚊美金，你哋話係咪被人打劫？所以我好多謝你哋，可以留返咁多錢來睇我個騷，真心非常感謝。」他又搞笑道 : 「今晚我見到好多靚人，男仔女仔都靚。嘩！仲有人舉牌『Eason錫啖』，咩意思呢？你係男人喎，but it's ok , I don't care…」怎料語畢男觀眾真的向他送吻，Eason又幽默說：「嘩！你嚟真！唔好啦，公眾場合呀，哈哈。」引得全場大笑。Eason繼續與觀眾講笑，看到有男歌迷舉着他的大頭像及穿上其10多前DUO演唱會推出的T-Shirt，Eason笑謂：「嘩，你真係真粉！件衫10幾年前，但唔好要我簽名，我個樣夠核突啦，重要我簽個名係自己個頭度，哈哈。」當晚觀眾完騷也不願離開，不停叫安歌，Eason指也想唱到凌晨五時，但場館有限制，並多唱了《孤勇者》及《淘汰》兩首歌送給觀眾。

接下來，Eason將於多倫多、芝加哥、洛杉磯、三藩市、溫哥華五個地方演出，10月則會移師到澳門舉行，昨日主辦方更宣布澳門站加開3場的喜訊，由原定舉行的6場增至9場。