與30位新晉歌手合唱《星戰》 古巨基：請給他們多一點建議和時間

香港文匯報訊（記者 梁靜儀）古巨基《I Really Love To Sing》（IRLTS）音樂企劃，昨日（1日）公布第十個合作單位，是19個音樂單位，共30位新晉歌手，當中有男、女團成員，有個別更是未出道，只在網上發表過音樂，甚至有的連自己的作品都未有，他們包括吳保錡（Poki）、張蔓莎（Sabrina）、女團 Lolly Talk、洪助昇（Aiden Hung）、黎展峯（Andy Lai）及女團STRAYZ等，翻唱基仔2005年推出並收錄於同名專輯的《星戰》。

歌曲昨午於電台首播後，基仔在個人社交平台發「千字文」感言，為這個音樂企劃第十首的隱藏彩蛋歌曲作出一個小總結，他表示這是《IRLTS》phase 1 意義圓滿的大合唱作品，歌詞是很多喜歡唱歌的人的內心感觸和祈盼，「2023年呢個版本，如果當中19個單位對你嚟講係新名字嘅話，請不妨開始follow佢哋，留意吓佢哋嘅音樂；如果你覺得『都唔識嘅』、『唱到咁』，請給他們多一點建議和時間，佢哋一定會進步。」基仔期待大家可以發掘更多新聲音：「現在嘅香港樂壇其實係同時存在喺傳統媒體和新媒體當中，上網去點擊吓佢哋嘅歌，等佢哋知道佢哋努力做嘅歌係有人聽到嘅。」

基仔表示揀選歌曲《星戰》，是因這是作為一個歌手的心聲歌曲，同時描寫出追夢的心路歷程。基仔直言唱歌對他的意義，是從小到大陪伴着他的一件事。雖然畢業後的他從事過不同行業，但他仍然歌不離口，至於堅持的原因，就是那種單純的快樂。

寄語新生代勇敢逐夢

拍攝MV當日，更是基仔期待已久的一日：「今日拍嘅係一個舞台嘅集合，係最後大團圓嘅一個畫面，呢個project叫做『我真係好鍾意唱歌』吖嘛，隻歌係想表達佢哋喺生活嘅無時無刻都歌不離口。」

跟一班新生代歌手合作，基仔感謝有份參與的歌手所屬的公司外，又寄語「朋友仔」咬緊牙關做落去：「當中有好多出道嘅年資都未必好長，但哪怕年資唔同，大家個心都係有一個音樂嘅夢，你夠鍾意一件事嘅話，你係會發揮小宇宙排除萬難，咬緊牙關做落去。能夠走埋一齊係緣分，希望大家可以互相幫助、互相支持，繼續向前行。」