陳自瑤月底挑戰六小時直播帶貨：真心覺得好用先至會介紹

（香港文匯報記者 子棠）陳自瑤（Yoyo）將於本月底30日（下周四）進行第二次跨境電商直播，鑑於「雙陳」陳豪與陳敏之在首次直播帶貨中，達全場銷售額突破2,350萬人民幣（約2,646萬港元），成績斐然打響頭炮；令作為《識貨》首屆冠軍的Yoyo也感緊張。而Yoyo主持的一輯帶貨直播，主題圍繞無綫經典劇集，將內容結合到電商直播平台，利用TVB的龐大IP庫，為用戶創造耳熟能詳的直播場景及主題，提高電商直播的獨特性及增加受眾觀看時的投入感及過癮度，亦將會是無綫未來重大發展方向及項目之一。

對於接捧「雙陳」主持直播帶貨，Yoyo坦言心情緊張又興奮，並謂自己為該個電商直播獻出了多個第一次：「我未試過正式真係做一個咁大型嘅直播帶貨Show，所以都好緊張，係好大嘅挑戰。」向來做事認真的Yoyo，為了將最好及最抵買的貨品推介給受眾，更會花大量時間做事前準備：「因為都好多貨品需要去了解佢嘅用途、成份同其他所有嘢。今次挑戰六小時直播帶貨，都係人生從未做過嘅嘢。」Yoyo又指自己平時絕不胡亂將貨品推介給朋友：「我不嬲做嘢比較謹慎啲同實際啲，所以我介紹親畀朋友嘅嘢，係真心覺得好用先至會介紹。所以如果我做帶貨活動，我都真係想推介一啲真係真心好用嘅好嘢畀大家。」

問到Yoyo私下是否精明消費者，她笑稱：「本身我係慳妹性格，我買嘢多數會格價，睇吓邊度啲嘢平啲、品質好啲，亦都會睇吓網上面啲Comment。」再問是否「講價」達人，她則笑謂：「我自己有時買嘢都會盡量揀啲性價比高，又平又抵又高品質嘅貨品；講價方面，如果講到價嘅地方我都會盡量講嘅。」