香港文匯報訊（記者 梁靜儀）張繼聰與太太謝安琪（Kay）今日出席頒獎禮活動，一起獲頒「香港社交媒體風雲人物」，同場還有其兒子的偶像兼KOL J Lou，為了讓兒子覺得自己入流，二人更向對方集郵。其他出席的得獎藝人還有孫慧雪（雪雪）、蘇皓兒、陳柏宇及王君馨等。

張繼聰表示兒子很喜歡睇KOL J Lou的網頁，更經常向他推介。對於兒子不睇自己的片，他笑說:「邊有青春期男仔會鍾意睇自己老竇吖，佢開始睇我啲戲，但冇聽我嘅歌，我而家同J Lou合照，阿仔終於覺得我係入流，有返啲家庭地位，可以威威，因為個仔有學日文，成日會用日文叫我做大叔。」阿聰又讚細女好識撈，有時問她某個女明星靚唔靚，她就會答媽咪最靚。阿聰搞笑指不受兒子歡迎唔緊要，因為有很多廣告客戶鍾意他，才能為家庭帶來經濟效益：「佢鍾意我都推動唔到經濟，所以我唔會為佢服務。」

另外實施了3年的口罩令，將於明日（3月1日）全面撤銷，無論在室內、戶外，或公共交通工具上，均無需按法例再佩戴口罩。張繼聰對於取消口罩令，認為市民有選擇權決定戴與不戴口罩是好事，他會視乎環境而決定是否佩戴口罩，如搭港鐵或人多擠迫的地方。他又指市民經過這幾年的疫情，大家都已有概念懂得如何保護自己及身邊人的健康。

孫慧雪（雪雪）與蘇皓兒今日齊齊得獎，懷孕4個半月的雪雪腹大便便，她笑說：「啲人以為我有咗6、7個月就生得，老公好擔心我個肚會唔會爆。」雪雪又指上一胎個肚也沒有今次大，原本她重50幾公斤，但現時已重至65公斤，重了10幾公斤，問到她平時是吃甚麼？她笑說:「我已經都唔夠膽食咁多，頭三個月不停嘔，冇胃口，而家就好鍾意食飯，不過醫生暫時冇要我減肥。」她又透露今胎會剖腹生產，因BB比正常大個星期，今個月中做產檢便會照結構。問到BB性別時，她就賣關子，表示遲些才公布。問到可會再生？她就揚言要封肚:「生埋呢胎收工，今次真係好攰好辛苦，每日要瞓10幾個鐘。（囝囝想要細佬定細妹？）個仔應該想要個妹。」仍未停工的雪雪，又表示正計劃三月底與老公及兒子去日本旅行，因疫情至今已多年沒去旅行。

蘇皓兒透露近日正忙於拍攝Viu TV愛情輕喜劇，故事關於於交友App，她與談善言及吳肇軒會有感情戲，大家關係撲朔迷離。問到可有親熱戲？她說:「我同吳肇軒會有少少，但同談善言就冇。」問到現實中可有用過交友App？她表示沒有，因較喜歡在生活上結識新朋友。