香港文匯報訊（記者 阿祖）關心妍（Jade）4月即將舉行「關心妍Shine妍亮福音慈善演唱會」，日前現身攝影棚為個唱拍攝海報，Jade表示：「今次是紅館Part 2的期，但另選擇製作一個善慈演唱會，因為我有一個『妍亮生命慈善基金』，第一次在這麼大的場地做籌款演唱會，希望可以祝福香港的朋友。」Jade笑言沒想過會獲批檔期搞騷，製作過程比以往更有難度：「諗住兩三年後才會批到期做演唱會，點知入完表格無幾耐就真的批到，仲急過上年個騷！過年前大家話我好瘦要食多些東西，一過完年知道要做騷又要keep過和戒口。」

關心妍今次演出慈善演唱會，拒收歌酬之餘，更自發捐款希望達到目標：「其實我的慈善基金一向都靠我的歌酬和教唱歌去營運，今次還要捐多些出來，暫時目標是有一百萬元的門票，免費邀請低收入同基層家庭、情緒病患康復者、中學生去睇騷，因為他們可能未來過紅館睇演唱會。」Jade表示過去一直有好多圈中人支持基金，計劃「碌卡」邀請到場做嘉賓，但先賣關子，過年趁團年聚會已跟圈中友好講定了：「所以近排同我食飯的，你就知我想搵你做嘉賓喇！」

教女兒用利是錢買飛行善

雖然Jade曾舉行多次紅館個唱，但這個騷是香港首個以流行福音歌曲做主題的演唱會，Jade表示大家聽慣她唱悲情歌，今次會有新突破唱開心、正向的歌曲。提到女兒心心已為個唱做預備，更埋怨媽咪沒帶她影海報：「她以為自己一定有份做這個騷，不停提議唱什麼歌好，加上上次打筋斗太好喇，我都不知她有無其他新技能騷到畀大家睇。今日出門口來影海報，她好緊張問我去邊為何不帶她，當正自己是嘉賓之一。」關心妍亦有教女兒用利是錢買飛支持，提議她向身邊同學仔呼籲行善籌款。