香港文匯報訊（記者 梁靜儀）馬浚偉（馬仔）首度為港台監製的廿集電視劇《我們的畢業禮》昨日於西貢拍攝，出席的演員有施匡翹、湯寶如、陳秀珠、程可為及胡渭康等，助理廣播處長（電視及機構業務）陳俊樂亦有到場探班，並大爆馬仔好惡，馬仔承認有向遲到的同學「開年」。至於乖巧的施匡翹又勤力又守時，沒有挨罵反而贏得讚賞。
身兼監製及演員的馬仔，表示尚有10組還未拍，若一切順利預計本月27號能煞科，3月份之內應會完成後期製作，暫定4月逢周一至周五播出，這模式在港台是很少見的。
問到可有收視壓力？馬仔說：「真心講，喺港台（播）我哋冇乜壓力，因為港台係一個政府部門，唔係商業機構，反而今次呢套劇最大心願係做一個承傳帶新人，無論台前幕後都起用好多新人，無論攝影師或crew（全體人員）都冇拍過戲，收音師仲係讀緊大學，佢哋冇經驗唔緊要，最緊要畀佢哋去試。」他承認其間新人是會有錯或影響拍攝時間，但他覺得是值得的。笑問到開工時可有被激到「嘔血」？馬仔笑說：「頭先開咗年，係因為佢哋唔守時，我最睇重及關注就係守時，我喺TVB出身，師傅係曾勵珍，邊敢遲到？另外老師羅冠蘭及鍾景輝都有教我哋，要提早15分鐘到達現場，將來佢哋就可以教返新一代。」
一人演七角滿足心願
施匡翹認為馬仔是惡得有道理，很多時只要有對方在場就會很安心及獲益良多，她說：「只要有馬生在場就可以提早收工，就算話我哋都係分享佢好寶貴嘅經驗，呢個唔係每個人都願意咁做。」
馬仔就大讚施匡翹很乖，平時會看熟劇本，開工時不用再看，反而像文青般坐在一邊看書，所以沒有被他「開年」。
今年9月是馬仔入行30周年的日子，他透露9月至10月會有舞台劇演出， 他會一人身兼編、導、演、監，他笑說：「今次係獨腳戲，成個劇自己一個人做，好黐線，我仲會一人分飾7個角色，7個性格，要轉7個妝，人生到咁上下就要癲吓，完成呢個就滿足我心願喇。」此外，明年他又會第三度公演舞台劇《偶然·徐志摩》。
0
已點過讚
0 / 255