香港文匯報訊　前日（12日）早上10時許，Facebook群組「的士司機資訊網Taxi」流傳兩段視頻，視頻內容及上載者的留言顯示，一名女子乘的士歸家，惟到達目的地發現沒錢付車資，要求歸家拿錢，司機則要求女子叫家人前來付款，兩人因此發生爭執，女子下車後更咒罵司機「轉頭撞車死」。影片在網上掀起熱議。

聲稱被強姦 月搭萬幾蚊的士

視頻顯示，前日早上8時許，一名女子搭的士無錢畀，要求歸家拎錢，司機則要求女子叫家人落嚟畀錢。女子不忿，疑一度聲稱被人非禮、強姦，司機於是報案求助。兩人在等候警察期間繼續爭執。女子向司機表示：「唔好玩啦。」司機隨即反駁：「我問你畀錢，你無錢畀我，又話我非禮，又話我強姦你，又話挾持，咁樣叫我玩你？我掂又無掂過你，咁你無錢畀我，咁我唔報警咁點？」

女子隨即答道：「咁慢慢等（警察）囉。」司機則說：「我做生意我無錢收咁點啊？你夜晚返工無錢收，你返嚟為興趣啊？唔好玩啦。你無錢畀話返上屋企，個個客都咁，咁我唔使做啦，我去邊度搵你？」

其後多名警員到場處理事件，女子一度啜泣，並向警員稱：「我日日都係Call車，你可以Check任何一個的士台，無任何一個的士台唔識我囉。我一個月搭萬幾蚊的士，我日日都搭的士出入。」其間女警要求她先戴上口罩，女乘客翻找後聲稱「跌咗」。其後女乘客的爸爸到場，開始指責司機，「你做咩咁講我個女呀。」最後，該女子下車，更回頭指罵司機：「你轉頭撞車死啊。」影片隨即完結。

網民紛紛留言批評，「唔戴口罩應該罰錢啦！一個月搭萬幾蚊的士好勁咩！」、「咩年代呀，大把支付工具啦」、「想喊博同情？咩年代？」、「條女見警察即變晒面扮慘，唔去做茄喱啡嘥咗」、「把口毒×到呀，落咗車最尾叫司機撞車死」等。