擔任《蝶戀花》MV女主角 賴彥妤與譚詠麟隔空談情

香港文匯報訊（記者 文芬）曾參選香港小姐的TVB女星兼主播賴彥妤（Vivienna）在「校長」譚詠麟剛剛推出的新歌《蝶戀花》MV中被選中擔任女主角。以新髮型亮相的Vivienna表示導演要求要拍出上世紀八十年代的感覺。所以要有黑髮文青的造型，就被安排戴上假髮演出。她說：「由試造型開始，劇組同自己睇睇下就好快習慣咗。」譚校長笑指Vivienna與假髮造型融合了，好似一路拍個頭髮會一路生長一樣。

Vivienna話自己的父母都是校長的忠實粉絲，所以細細個在家已經常聽到校長的歌：「完全無諗過自己可以喺校長事隔多年推出的新歌MV出現，成為MV女主角。屋企人見到都覺得好興奮，仲不停Send畀親戚同朋友叫佢哋Like。」她又稱今次拍攝MV對自己來講都是一個新挑戰：「今次MV一嚟就係同校長隔空談情， 我演的女主角同校長係一對戀人。女主角多年前遇到意外離開，仍然痴情每日都去找對方，男女主角喺唔同嘅時空相愛、互相等住大家。劇本故事淒美，深情演繹有挑戰性。入面有分三部曲，要瞬間由笑變喊，所以拍攝之前喺屋企都密密對住鏡練習表情。」

新歌《蝶戀花》改編了周杰倫、費玉清的《千里之外》，這個MV更是校長的生日禮物。而剛過生日的Vivienna就話跟校長認真有緣分：「我哋差一日生日，年份都應該差唔多，校長年年25歲吖嘛，哈哈……」

三層獨立屋慶生日

Vivienna大讚校長好親民及照顧後輩，拍攝MV當日還有蛋糕食，一齊慶祝生日。好耐無飛的Vivienna表示：「一直Plan咗好想去泰國Relax下，食下嘢做下Spa嚟個生日之旅。但因有工作在身又要計隔離時間，所以飛泰國之旅唯有告吹。」一班好朋友知道就第一時間同佢喺香港三層獨立屋Villa布置個泰國度假村Feel的生日派對等Vivienna可以感受泰國風情，又在池邊切蛋糕，一眾圈中圈外朋友齊齊慶賀。講到生日願望，早前已被安排入劇組初嘗拍劇的她希望陸續可以拍多些不同類別的電視劇，可以遇上好角色成功「入屋」，繼續有不同新工作新挑戰。