大公文匯全媒體報道：不少移民英國港人在網上吹係咁吹噓當地生活，講到佢哋移咗民實會人生逆襲咁。近日有移英港人發文力數香港及香港人12宗「罪」，由街道、食物、言行都批評到「一文不值」，以為可以圍爐「呃like」。點知，反惹嚟大批網民「圍攻」，斥責樓主係井底蛙，直指：「做人要飲水思源，移咗民啫，有必要貶低自己土生土長嘅地方嗎？」、「好幼稚及心胸狹窄」。

該名移英港人在Fb群組「英國香港人生活交流區」投稿，列出香港及香港人12宗「罪狀」，話「街好核突」、「啲嘢食好垃圾」、「香港人好嘈」，又指香港人講嘅棍波、郊外自然環境、享受都係得啖笑等等，直指移民後「頭一年你可能仲on X覺得香港正，因為係一種情懷」，惟數年後就會有完全不同感覺咁話喎。