黃浩然慫恿追多個B 林峯：承你貴言

香港文匯報訊（記者 李思穎）林峯、黃浩然在警匪劇《黑金風暴》中聯手為案件調查真相、緝拿兇手；鏡頭前二人Man到爆，偶有針鋒相對的場面，鏡頭後二人卻是相識多載、無所不談的好兄弟，在拍攝期間升呢做爸爸的林峯，更不時向黃浩然取育兒經，洋溢一片父愛。

林峯與黃浩然雖然貴為相識多載的好兄弟，但今次才是合作最多對手戲的一次，為「隆重其事」，二人在開拍前專誠相約商討角色演繹。黃浩然透露二人過往曾飾演相似角色，但今次拍攝亦有一定難度，在於如何突破演技、帶給觀眾新鮮感，而林峯說：「近年都多演警察角色，但今次唔同嘅係同好兄弟浩然合作，之前我哋有拍過古裝戲，講到最多對手戲，今次係第一次。其中我最難忘一場戲，係我個角色俾浩然鬧到冇得反駁，嗰場戲佢好Man，英雄救美既帶有喜感又可以道出兄弟間矛盾。」

在拍攝期間榮升新手爸爸的林峯，自爆經常向黃浩然請教心得，其間林峯更慫恿已為兩子之父的黃浩然追多個囡，令黃浩然哭笑不得：「嘩，我唔好搞喇！你最好追返個，一囝一囡。」林峯聞言表示受落，更指：「承你貴言。」

提到今次劇集有不少動作場面，未知作為新手爸爸的林峯可有特別替身？林峯表示沒有：「喺安全情況下，自己做到都自己做，好少用替身。」