到五月，剛戰新馬賽首度登場，上演埋皇太后盃，今次沙田八泥一草，夜馬平日感覺已冷冷清清，好在依家場內多番人氣，否則場面會更糟糕。在參戰馬主講，泥地向來非主流，但獎金同草地一樣兼都有頭馬拉，基本上問題不大，但高班泥地賽少就係弊病，造成如此局面，要怪就怪馬會取態，呢十年賽程側重草地，買隻高班泥地王，再強都無用武之地，早輪新政策出台，下季只加中長途賽的獎金，聽落幾鼓勵，問題係高班泥賽呢？獎金雖高但一季得三幾次，根本無補於事，正如「黃金甲」難得有合適賽程，梗係搏先講。