【民間文學粵語講呢啲】集體回憶：你今日飲咗未？梗有一間喺 左近！《天國一方》結構源自《天各一方》

◆ 梁振輝 香港資深出版人

「益力多」的「你今日飲咗未？」、「7-11」的「梗有一間喺左近」是兩句經典廣告對白，陪伴着香港人成長；也是不少人的集體回憶。這兩句對白成就了兩個「好使好用」的句式：

你今日乜咗未？梗有一X喺左近

就「你今日乜咗未？」而言，「乜」是什麼？

圖1，過幾天測驗，會有人問同學：

你今日溫咗未？

圖2，太太很善忘，你恐防她忘記餵BB每日飯後吃的那粒藥丸，於是打電話問問她：

你今日餵咗未？

圖3，不與你同住的孫兒幾日前確診，你着他每日早上打電話過來告之快測結果；現在已是傍晚，沒半點聲氣，於是打電話問問他：

你今日測咗未？

圖4，Omicron的傳染力很高，從政府公布的數字，連同身邊的人說，相信香港很多人已「中招」（染疫）。作為了解一下疫情有多嚴峻，又或看作慰問一下對方，你幾乎逢人都可以問：

你今日「中咗」未？

就「梗有一X喺左近！」而言，X是什麼？

圖5，茶餐廳，梗有一檔喺左近！

圖6，渣男，梗有一個喺左近！

圖7，中招，梗有一單喺左近！

圖8，强檢，梗有一棟喺左近！

在很久以前，我聽過一首歌，叫《天各一方》（俞琤獨白、曾路得主唱），當中有兩段獨白，不知道大家還記得嗎？2022年年初以來，數以千計的香港人因新冠疫情離世到天國，令一向安逸的香港人切身感受到生命的脆弱。今日《天國一方》這兩段獨白，係筆者懷念眾多死者之作，或許當中文字可讓大家從另一個角度去看生死，以及反思一下人生的意義。

《天國一方》

文：梁振輝 結構：《天各一方》

今日你喺天國一方

你有你嘅天地，我有我嘅空間

但係總有一日

我哋會喺天國路上撞到

相信大家都會點下頭、互相問候一下

然後就傾過痛快

咁其實認唔認識又有咩關係呢?

正如你可能聽過人講：

無論往日身份有幾懸殊

到咗生命完結嘅時候

一切都已經無關痛癢

X X X

其實乜嘢先至係真正同有意義嘅人生呢?

或者我應該要做到生而無悔同死而無憾

經歷畀我相信，世上冇一個成果係垂手可得

仲好似永遠都唔一定可以喺掌握之中

有時苦心經營，未必達到預期效果

反而輕裝上路，有時會有意外收穫

投以真誠有天知

一切風花雪月、悲歡離合都係過眼雲煙