自稱鍾意貓貓狗狗，可能只係一種扮可愛吸眼球嘅手段，𠵱家成為黃圈眾矢之的嘅「搣時潘」潘書韻咪就係咁。「搣時潘」着草唔只拋棄咗「手足」，仲拋棄咗佢隻12歲嘅老年狗狗，「暫託」咗去朋友「中大email」黃于喬度，結果個好姐妹都唔幫佢養，又再送畀人，證明所謂「愛動物」只係自我假造嘅形象嚟嘅啫。有連登仔更進一步質疑，「（佢）識幫姐妹搞身後事，應該唔會係一早知情嘅……協助逃犯喎，唔知知幾多呢？」

「搣時潘」早前喺開庭前潛逃，跟住出post話自己去咗台灣買樓發展同開貓cafe，想繼續打造「愛動物」人設。網民「20歲（思覺失調）」爆料話，「搣時潘」之前養嘅12歲嘅老年狗「離奇去咗電郵（黃于喬）到（度）」，於是揶揄「口口聲聲話自己中意動物，救貓救狗，果然拎完光環，人同動物都可以當condom。……好姊妹都唔幫手養，要再送比（畀）人，可憐隻狗老年俾人當波踢。」

但個連登仔更驚人嘅發現係，「識幫姐妹搞身後事，應該唔會係一早知情嘅，除非唔係，你信唔信，反正我就信，協助逃犯喎，唔知知幾多呢？」

網民懷疑黃一早知情

網民「流沛」就覺得：「肯定知道啦。」「流浪橘貓」直言：「報警啦！協助逃犯逃走。」「賤大媽(隔夜)」就話：「所以唔洗（使）吹奏隻肥豬，根本係同謀。」「阿中小哥哥嚒嚒噠」就恥笑：「本來燒唔著（着）佢嗰疊，係要被人知佢一早知情。」

講真其實狗狗最無辜，「ZOE是運河」都話：「隻狗好慘，12歲先俾主人棄養。」

「CUM_ON_JAMES」就質疑：「狗係屋企人嚟，求其送俾（畀）個唔識嘅人照顧？」網民「愛爾蘭共和軍」就一針見血喇：「人（議助）都唔理隻狗算啲乜。」

總有啲「黃衛兵」勁鍾意幫人美化同埋自欺欺人啦，好似當「（苦笑）」質疑點解唔送隻狗畀佢哋屋企人養，點知「Zaku2018」幫「搣時潘」辯解：「送隻『老年』的狗，上飛機，過關，檢疫，去一個氣候唔同的地區……邊個會有好處呀？弱智又唔識，就唔好出咁多聲啦！」但個留言就收到太多負評，連登就顯示，回覆負評過多，要點擊先可以顯示原文呢。

●香港文匯報記者 藍松山